آصف زرداری اشارہ کریں تو ایک ہفتے میں وفاقی حکومت گرا سکتے ہیں ، بلاول بھٹو
کراچی ( 92 نیوز) پاکستان پیپلزپارٹی کے چیئرمین بلاول بھٹو زرداری نے کہا کہ جے آئی ٹی رپورٹ سے حکومت نے نقاب ہو گئی ، اصل نشانہ سندھ ہے ۔
چیئرمین پاکستان پیپلزپارٹی کراچی میں گزشتہ ہفتے قاتلانہ حملے میں جاں بحق ہونے والے علی رضا عابدی کے اہل خانہ سے اظہار تعزیت کیلئے پہنچے ، ان کے ہمراہ صنم بھٹو اور نثار کھوڑو بھی تھے ۔
اہلخانہ سے تعزیت کے بعد میڈیا سے گفتگو کرتے ہوئے بلاول بھٹو زرداری کا کہنا تھا کہ کراچی میں امن و امان کی صورتحال وزیر اعلیٰ کو سختی سے دیکھنی پڑے گی ۔
بلاول بھٹو زرداری کا کہنا تھا کہ ہماری حکومت کو گرانے کیلئے انہیں 50 فیصد سے زائد سیٹیں درکار ہیں جب کہ میرے پاس 99 سیٹیں ہیں ، شائد انہیں ریاضی نہیں آتی ۔
چیئرمین پاکستان پیپلزپارٹی کا کہنا تھا کہ آصف علی زرداری پہلےبھی مقدمات سے باعزت بری ہوئے ، آئندہ بھی ہوں گے ۔ زرداری اشارہ کر دیں تو ایک ہفتے میں وفاقی حکومت گرا سکتے ہیں ۔