جیل میں قید شہباز شریف والدہ کے انتقال کی خبر سن کر زار و قطار رو پڑے
لاہور (92 نیوز)جیل میں قید شہباز شریف والدہ کے انتقال کی خبر سن کر زار و قطار رو پڑے،سپرنٹنڈنٹ اور ڈپٹی سپرنٹنڈنٹ ایگزیکٹو جیل پہنچ گئے۔
نواز شریف اور شہباز شریف کی والدہ شمیم بیگم لندن میں انتقال کر گئیں ، انتقال کی خبر جب جیل میں قید شہباز شریف کو دی گئی تو اپوزیشن لیڈر قومی اسمبلی زار و قطار رو پڑے جس پر سپرنٹنڈنٹ اور ڈپٹی سپرنٹنڈنٹ ایگزیکٹو جیل موقع پر پہنچ گئے ۔
جیل انتظامیہ کی جانب سے شہباز شریف اور حمزہ شہباز کی ملاقات کا بھی انتظام کیا گیا ۔ ذرائع کے مطابق شہباز شریف اور حمزہ شہباز کی پیرول پر رہائی کی درخواست دی جائے گی۔