جیسے جیسے احتساب کا عمل آگے بڑھے گا مزید گرفتاریاں بھی ہوں گی ، فواد چودھری
اسلام آباد (92 نیوز) وزیر اطلاعات فواد چودھری نے شہباز شریف کی گرفتاری پر رد عمل دیتے ہوئے کہا کہ شہباز شریف کی گرفتاری تو پہلا قدم ہے ، جیسے جیسے یہ عمل آگے بڑھے گا مزید گرفتاریاں بھی ہوں گی۔
فواد چودھری نے کہا کہ جنہوں نے گاجریں کھائی ہیں درد بھی انہی کے پیٹ میں ہوگا ۔ وہ پہلے بھی کہہ چکے ہیں ابھی مزید اقدامات اٹھائے جائیں گے ۔ انہوں نے کہا کہ شہباز شریف کی گرفتاری کا حکومت سے کوئی تعلق نہیں ہے یہ تمام کیس حکومت آنے سے پہلے کے ہیں۔