جوبائیڈن نے لازمی ماسک پہننے کی پابندی میں نرمی کر دی

واشنگٹن (92 نیوز) امریکی صدر جوبائیڈن نے لازمی ماسک پہننے کی پابندی میں نرمی کر دی اور کہا مکمل ویکسی نیشن کرانے والے شہری ماسک کے بغیر باہر جا سکتے ہیں۔

 جوبائیڈن کا کہنا تھا عوامی اجتماعات پر ماسک کی پابندی برقرار رہے گی۔ کورونا کیسز میں غیرمعمولی کمی آئی ہے۔ عوامی تعاون کی بدولت حیرت انگیز نتائج حاصل کئے ہیں۔ امریکا میں آدھے سے زیادہ بالغ افراد ویکسین کی کم از کم ایک ڈوز لگوا چکے ہیں۔