جو لوگ وطن واپسی کیلئے ڈیل کا انتظار کریں وہ سیاست میں ہمیشہ بونے ہی رہیں گے، فواد چودھری
اسلام آباد (92 نیوز) وفاقی وزیراطلاعات فواد چودھری کا کہنا ہے جو لوگ وطن واپسی کیلئے ڈیل کا انتظار کریں وہ سیاست میں ہمیشہ بونے ہی رہیں گے۔
جو لوگ وطن واپسی کیلئے ڈیلوں کا انتظار کریں وہ سیاست میں ہمیشہ بونے ہی رہیں گے، نون لیگ والے بوٹ پالش کا سامان لے کر کھڑے ہیں صرف کوئ بوٹ آگے نہیں کر رہا ۔۔۔ آپ پاکستان کا تاریک دور ہیں ہواؤں کا رخ اب آپ کا نہیں ، روشنی ہو جائے تو تاریکی ختم ہو جاتی ہے اور پاکستان میں یہ ہی ہوا
فواد چودھری نے ٹویٹ پیغام میں کہا ن لیگ والے بوٹ پالش کا سامان لے کر کھڑے ہیں۔ صرف کوئی بوٹ آگے نہیں کر رہا۔ ن لیگ پاکستان کا تاریک دور ہے۔ ہواؤں کا رخ ان کے موافق نہیں رہا۔ روشنی ہو جائے تو تاریکی ختم ہو جاتی ہے اور پاکستان میں یہی ہوا۔
اِدھر وزیراعظم کے معاون خصوصی شہباز گل نے کہا برطانیہ میں نوازشریف کے ویزا کی توسیع مسترد ہو چکی ہے۔ اس وقت اپیل میں ہیں لیکن انہیں معلوم ہے ان کو بے دخل کیا جائے گا۔ اس لئے نواز شریف کے بے دخل ہونے کو ان کا واپس آنے کا سیاسی فیصلہ بنا کر پیش کیا جا رہا ہے۔ بزدل کبھی بہادر نہیں ہوتے، اعلان ابھی جاری ہے۔