جنوری میں پرائمری کا یکساں نصاب لازم ہوجائیگا، شفقت محمود

اسلام آباد (92 نیوز) وفاقی وزیرتعلیم شفقت محمود کا کہنا ہے کہ دسمبر جنوری میں قانون سازی کے بعد پاکستان بھر کےاسکولوں کے لیے پرائمری کا یکساں نصاب لازم ہوجائے گا۔ وزیر تعلیم شفقت محمود کا قومی اسمبلی میں اظہارخیال کرتے ہوئے کہنا تھا کہ 3 سے 4 سال میں تمام مدارس یکساں نظام تعلیم میں شامل ہو جائیں گے۔ انہوں نے کہا کہ مدارس کے ساتھ بہت سی میٹنگز کیں اور انہیں باور کرایا، انہیں سمجھایا کہ آپ اپنا نصاب نہ چھوڑیں لیکن ہمارے نصاب کو بھی اپنائیں۔ مدارس کے طلبہ بھی ڈاکٹرز اور انجینئرز بن سکیں گے۔