جنرل قمر باجوہ کی بطور آرمی چیف تقرری قابل ستائش ہے : شاہ محمود ،شیخ رشید ، محمد زبیر
اسلام آباد(92نیوز)سیاسی رہنماؤں نے قمر جاوید باجوہ کی بطور آرمی چیف تقرری کوسراہتے ہوئے جنرل راحیل شریف کے کردار کی بھی تعریف کی ۔ شاہ محمود قریشی کا کہنا ہے کہ جنرل راحیل شریف نے فوج میں اعلیٰ روایات قائم کیں ۔
تفصیلات کےمطابق آرمی چیف جنرل راحیل شریف کی خدما ت کو سراہتے ہوئے شاہ محمود قریشی نے کہا کہ وہ پاک فوج کے قابل فخر سربراہ ہیں ۔ شیخ رشید احمد نے بری فوج میں نئی تقرریوں کو سمری کے مطابق قراردیا ، وزیر مملکت محمد زبیر نے امن و امان کی صورتحال بہتر کرنے میں حکومت کے کردار کو اہم قرار دیا . سیاسی حلقوں نے امید ظاہرکی ہے کہ نئے آرمی چیف بھی عوام کی امیدوں پر پورا اتریں گے ۔
