جناح اسپتال کراچی سے متعلق عدالتی فیصلے پر اسپتال ملازمین خوشی سےنہال
کراچی ( 92 نیوز) جناح اسپتال کراچی کو وفاقی کے زیر انتظام رکھنے کے فیصلے پر اسپتال کے ملازمین میں خوشی کی لہر دوڑ گئی ، ملازمین نے مٹھائی تقسیم کی اور ڈھول کی تھاپ پر بھنگڑے ڈالے ۔
سپریم کورٹ کی جانب سے فیصلہ برقرار رکھا گیا تو ملازمین کی خوشی دیدنی تھی ، اس موقع پر ملازمین کا کہنا تھاکہ سپریم کورٹ کے فیصلے سے خوش ہیں ، سندھ کی بجائے وفاق کے ماتحت رہیں تو اچھاکام کرسکیں گے۔
جناح اسپتال کراچی کی ایگزیکٹوڈائریکٹرڈاکٹرسیمی جمالی کاکہناہےکہ ملازمین میں پائی جانے والی بے چینی اب ختم ہوگئی ہے،جناح اسپتال وفاق کے زیرانتظام رہنے کے فیصلے کے بعد کئی برسوں سے خالی سینکڑوں پوسٹوں پربھی جلد تعیناتی شروع ہونے کا امکان ہے۔
