جن مدارس میں بچوں کیساتھ بدفعلی ہوئی انہیں بند کردیا گیا، ڈی آئی جی ایبٹ آباد

اسلام آباد (92 نیوز) ڈی آئی جی ایبٹ آباد نے سینٹ کی کمیٹی برائے تحفظ اطفال کو بریفنگ دیتے ہوئے کہا کہ جن مدارس میں بچوں کے ساتھ بدفعلی ہوئی انہیں بند کردیا گیا۔ سینٹ کی کمیٹی برائے تحفظ اطفال کا اجلاس ہوا، ڈی آئی جی ایبٹ آباد نے بریفنگ دیتے ہوئے مزید کہا کہ معاشی و معاشرتی مسائل ان واقعات کی جڑ ہیں۔ سینیٹر جاوید لطیف عباسی نے سوال اٹھایا کہ آئے روز ان معاملات کی روک تھام کیسے ممکن ہے؟۔ روبینہ خالد نے کہا کہ زینب الرٹ بل بھی ابھی آ رہا ہے اسکو بھی دیکھنا ہوگا، جنسی زیادتی کرنے والوں کوعبرتناک سزائیں یقینی بنانا ہوں گی۔