جمعے تک اوور سیز پاکستانیوں نے ڈیڑھ ارب ڈالر کی سرمایہ کاری کی، وزیراعظم
اسلام آباد (92 نیوز) وزیر اعظم عمران خان کہتے ہیں روشن ڈیجیٹل اکاؤنٹ نے ایک اورسنگ میل عبور کرلیا۔ نیاپاکستان سرٹیفکیٹ میں سرمایہ کاری ایک بلین ڈالر سے تجاوز کرگئی۔ عمران خان نے کہا ہمیں شجر کاری سے متعلق بہت کچھ کرنا ہے۔ پاکستان میں ہر شخص کے لئے صرف پانچ درخت ہیں۔
مرکزی بنک سےخوشخبری ہےکہ #RoshanDigitalAccount نےمزید سنگِ میل عبور کئےہیں۔ نیا پاکستان سرٹیفکیٹس کی 1 ارب $ کی سرمایہ کاری کو پیچھے چھوڑتے ہوئےجمعے کو ان اکاؤنٹس میں آنے والا سرمایہ 1.5 ارب $ سےبڑھ گیا۔ 2 ماہ قبل کے 1 ارب $ کےبعد سےاکاؤنٹس اور ڈیپازٹس نئےریکارڈز قائم کرچکے ہیں۔ pic.twitter.com/p0HQ251awJ
اسٹیٹ بینک آف پاکستان کی طرف سے اچھی خبر سناتے ہوئے وزیر اعظم عمران خان نے کہا ہے کہ روشن ڈیجیٹل اکاؤنٹ نے ایک اورسنگ میل عبور کرلیا ہے۔ نیاپاکستان سرٹیفکیٹ میں سرمایہ کاری ایک بلین ڈالر سے تجاوز کرگئی ہے۔ جمعہ تک اوورسیز پاکستانیوں کی جانب سے ڈیڑھ ارب ڈالر کی سرمایہ کاری کی گئی جودو ماہ قبل ایک ارب ڈالر کے ریکارڈ کے بعد یہ دوسرابڑاریکارڈ ہے۔
عمران خان نے ایک اور ٹویٹ میں کہا کہ پاکستانی قوم بالخصوص نوجوانوں کو بڑی شجر کاری مہم میں حصہ لیں۔ ہمیں شجر کاری سے متعلق بہت کچھ کرنا ہے۔ پاکستان میں ہر شخص کےلئے صرف پانچ درخت ہیں جبکہ دنیا میں ہر شخص کے لئے 422 درخت ہیں۔ انھوں نے کہا کہ کینیڈا میں ہر شخص کےلئے 10163 جبکہ انڈیا میں ہر شخص کےلئے 28 درخت ہیں۔