جمعیت علماء اسلام ف کے رہنما مفتی کفایت اللہ مانسہرہ سے گرفتار
مانسہرہ (92 نیوز) جمعیت علماء اسلام ف کے رہنما مفتی کفایت اللہ مانسہرہ سے گرفتار ہو گئے۔
پولیس کی ایک بھاری نفری نے سابق ایم پی اے کے گھر چھاپے کے دوران انہیں گرفتار کیا۔ ڈی پی او مانسہرہ کے مطابق گرفتاری ریاست مخالف بیانات پر 3 ایم پی او کے تحت عمل میں لائی گئی۔ وفاقی کابینہ نے ریاست مخالف بیانات پر مفتی کفایت اللہ کی گرفتاری کا فیصلہ کیا تھا۔ مفتی کفایت اللہ دو ماہ تک روپوش رہنے کے بعد منظرعام پر آئے تھے۔
