جعلی بینک اکائونٹس کیس، نیب راولپنڈی نے قائم علی شاہ کو طلب کر لیا

راولپنڈی (92 نیوز) نیب راولپنڈی نے جعلی بینک اکائونٹس کیس میں سابق وزیراعلٰی سندھ قائم علی شاہ کو بھی طلب کر لیا۔ 4 دسمبر کو نیب اولڈ ہیڈکوارٹر میں پیش ہونے کی ہدایت کردی۔ جعلی بینک اکائونٹس کیس کی تحقیقات کے معاملہ میں نیب راولپنڈی نے سابق وزیراعلی سندھ قائم علی شاہ کو 4 دسمبر کو نیب اولڈ ہیڈکوارٹر پیش ہونے کی ہدایت کی ہے۔ ذرائع کا کہنا ہے کہ قائم علی شاہ کو روشن سندھ کیس میں طلب کیا گیا ہے۔ سابق وزیراعلی سندھ پر سولر لائٹس کے غیر قانونی ٹھیکے دینے کا بھی الزام ہے۔ 4 دسمبر کو تمام ریکارڈ کے ہمراہ پیش ہوکر بیان ریکارڈ کروانے کی ہدایت کی گئی ہے۔