جعلی اکاؤنٹس کیس ، فریال تالپور کے جسمانی ریمانڈ میں 29 جولائی تک توسیع
اسلام آباد ( 92 نیوز) پاکستان پیپلزپارٹی کی سینئر رہنما اور رکن سندھ اسمبلی فریال تالپور کے جسمانی ریمانڈ میں 29 جولائی تک توسیع کر دی گئی ۔
جعلی اکاؤنٹس کیس میں فریال تالپور کو جسمانی ریمانڈ پورا ہونے پر احتساب عدالت کے جج محمد بشیر کے روبرو پیش کیا گیا ، جہاں نیب نے ملزمہ کے جسمانی ریمانڈ میں توسیع کی درخواست کی ، عدالت نے ریمانڈ میں 29 جولائی تک توسیع کر دی ۔
عدالت کی جانب سے فریال تالپور کی دوران ریمانڈ وکلاء سے ملاقات کی درخواست منظور کر لی گئی ۔
