جسٹس قاضی محمد امین نے سپریم کورٹ کے جج کی حیثیت سے حلف اٹھالیا

اسلام آباد ( 92 نیوز) جسٹس قاضی محمد امین نے سپریم کورٹ کے جج کی حیثیت سے حلف اٹھا لیا ، چیف جسٹس آصف سعید کھوسہ نے  حلف لیا ۔

حلف برداری کی تقریب میں سپریم کورٹ کے ججز ، بار کے نمائندے اور سینئر وکلاء شریک ہوئے ۔

جسٹس قاضی محمد امین  کے حلف اٹھانے کے بعد سپریم کورٹ میں ججز کی تعداد 17 ہوگئی۔

جسٹس قاضی محمد امین 2014 سے جنوری2019 تک لاہور ہائی کورٹ کے جج رہے، سابق چیف جسٹس ثاقب نثار کی ریٹائرمنٹ کے بعد ان کی بطور سپریم کورٹ کے جج کی تقرری کا نوٹی فکیشن جاری کیا۔

جسٹس قاضی محمد امین  کے تقرر کی سفارش سپریم جوڈیشل کونسل نے کی تھی۔

پارلیمانی کمیٹی کی منظوری کے بعد صدر مملکت نے جسٹس قاضی محمد امین کی سپریم کورٹ میں تقرری کا نوٹیفکیشن جاری کیا تھا۔