جرمن ڈرائیورروزبرگ کی فارمولا ون ٹیسٹنگ ریس میں کامیابی، ایک منٹ 24.374 سکینڈز میں لیپ مکمل کر کے سرفہرست رہے

بارسلونا (ویب ڈیسک) جرمن ڈرائیور نیکو روزبرگ نے سیزن فارمولا ون کی پریکٹس ریس میں کامیابی حاصل کر لی۔ سویڈش ڈرائیور مارکوس دوسرے نمبر پر رہے۔ بارسلونا کے سرکٹ دی کیٹالونیا میں ہونے والی فارمولا ون ٹیسٹنگ ریس میں نو ڈرائیورز نے حصہ لیا جس میں جرمنی کے نیکو روزبرگ ایک منٹ چوبیس اعشاریہ تین سات چار سکینڈ میں لیپ مکمل کر کے سب سے تیز ترین رہے۔ سویڈن کے مارکوس اریکسن ایک منٹ چھبیس اعشاریہ چھے دو سکینڈز سے لیپ مکمل کر کے دوسرے نمبر پر رہے۔ سیزن کی انیس ریسوں میں سے پانچ مکمل ہو چکی ہیں جس کے باوجود نیکو روزبرگ اپنے ٹیم میٹ اور ورلڈ چیمپئن ہملٹن سے بیس پوائنٹس کی دوری پر ہیں۔