جرمن چانسلر اینگلا مرکل کی جماعت کو ریاستی انتخابات میں مشکل
برلن (92 نیوز) جرمن چانسلر اینگلا مرکل کی پارٹی کو ریاست لوئر سیکسنی کے انتخابات میں شکست کا منہ دیکھنا پڑگیا۔
اینگلا مرکل کی کرسچن ڈیموکریٹک پارٹی پینتیس فیصد ووٹ لے سکی۔ انکی مد مقابل جماعت سوشل ڈیموکریٹک پارٹی کو سینتیس اعشاریہ پانچ فیصد ووٹ ملے۔ گرین پارٹی کوآٹھ اعشاریہ پانچ فیصداور ایف ڈی پی کو سات فیصد ووٹ ملے۔ اسلام مخالف جماعت اے ایف ڈی بھی پانچ فیصد ووٹ حاصل کرنے میں کامیاب رہی۔
تجزیہ کاروں کے مطابق ان نتائج سے مرکز میں حکومت بنانے کیلئے چانسلر اینگلا مرکل کو مشکلات کا سامنا کرنا پڑسکتا ہے۔
