جدید دور میں  بھی ریلوے کا نظام خاطرخواہ ترقی نہ کر سکا

کراچی ( 92 نیوز) قیام پاکستان سےلیکر اب تک ریلوے کےنظام نےکوئی خاطرخواہ ترقی نہیں کی، دنیاچاندپرچلی گئی لیکن ملک میں اب بھی  انگریز کےدور کانظام چل رہاہے، جدید دور  میں بھی وہی پرانےپھاٹک  اور وہی گھنٹی،رابطے کےلئے اب بھی مائیکروٹیلیفونک نظام  ہے۔ پاکستان ریلوے کا نظام اس جدید دور میں بھی پرانی طرز پرہی  چل رہا ہے رابطے کےلئےآج بھی مائیکرو ٹیلیفون نظام چل رہاہے ، سگنل خراب ہو جائےتو الیکٹریشن فالٹ چیک کرنےکےلئےگھومتاہی رہتاہے۔   کوئی حادثہ ہوجائے یا کسی وجہ سے دوسری ٹرین کوروکناہوتو پٹری پر پٹاخہ رکھ دیاجاتاہے ، ٹرین گزرتی ہے توپٹاخہ پھٹتا ہے اور ڈرائیور ٹرین روک دیتا ہے۔ شہری کہتےہیں  ریلوےکے نظام کو اپ گریڈ کرنے کی ضرورت ہے ، پھاٹک پرلکھاہوتاہے کہ شکایت پھاٹک والے کےپاس درج کروائیں لیکن پھاٹک والےکےپاس نہ تو کتاب اورنہ کوئی رجسٹر۔ شہری کہتےہیں ریلوے کےنظام کو موجودہ تقاضوں سےہم آہنگ کرکےحادثات سےسےبچاجاسکتاہے۔