جاپان میں تلوار بازی کے ماہر ایساؤ میشی اور روبوٹ میں دلچسپ مقابلہ
تلوار بازی کے ماہر اور روبوٹ میں تلوار بازی کے دلچسپ مقابلے کی ویڈیو مقبول، روبوٹ کی مہارت پر ناظرین حیرت میں مبتلا
جاپان (ویب ڈیسک) جاپان میں تلوار بازی کے ماہر اور روبوٹ میں تلوار بازی کے دلچسپ مقابلے کی ویڈیو نے سوشل میڈیا پر دھوم مچا دی۔ روبوٹ نے بھی تلوار سے ایسے نشانے لگائے کہ سب حیران رہ گئے۔
جاپان کے تلوار بازی کے ماہر ایساؤ میشی اور ایک روبوٹ کے درمیان تلوار بازی کا مقابلہ ہوا۔ دونوں میں پانچ مقابلے ہوئے جن میں پھولوں، پھلوں اور ایک پودے کے تنے کو ترچھا کاٹنے کا مقابلہ شامل تھا۔
روبوٹ کی تلوار کے وار ایسے نشانے پر لگے کہ سب حیرت میں مبتلا ہو کر رہ گئے۔ ایسا پہلی بار ہوا ہے کہ کسی روبوٹ نے انسان کے مدمقابل تلوار چلانے کے فن کا مکمل مہارت کے ساتھ مظاہرہ کیا ہے۔ اس دلچسپ ویڈیو کو اب تک دو لاکھ افراد سوشل میڈیا پر دیکھ چکے ہیں۔