تھائی لینڈ اور کمبوڈیا کے درمیان 46سال سے بند ریلوے ٹریفک بحال
تھائی لینڈ ( 92 نیوز ) تھائی لینڈ اور کمبوڈیا کے درمیان 46 سال سے بند ریلوے ٹریفک کو بحال کر دیا گیا۔
غیر ملکی میڈیا کے مطابق دونوں ممالک کے درمیان ریلوے ٹریفک 1973 میں کمبوڈیا میں خانہ جنگی کی وجہ سے بند ہوئی تھی۔
تھائی لینڈ اور کمبوڈین وزرائے اعظم پرایوٹ چانوچا اور ہن سین نے ریلوے ٹریفک کی بحالی کی افتتاحی تقریب میں شمولیت کی۔
کمبوڈین وزیراعظم نے کہا کہ ریلوے ٹریفک بحالی دونوں ممالک میں معاشی ترقی لائے گی۔
تھائی وزیراعظم نے کہا ریلوے ٹریفک بحالی سے دونوں ممالک کے تعلقات مزید بہتر ہوں گے۔
