توہین عدالت کیس:سندھ ہائیکورٹ نے وزیر اعلی اور آئی جی پولیس کو مجرموں کے خلاف کارروائی کیلئے یکم جون تک مہلت دیدی
کراچی(92نیوز)سندھ ہائیکورٹ نے توہین عدالت کیس میں وزیر اعلی اور آئی جی پولیس کو عدالت کے باہر صحافیوں پر تشدد کرنے والے مجرموں کے خلاف کارروائی کرنے کی مہلت دیدی۔
بنچ کے سربراہ جسٹس سجاد حسین نے آج توہین عدالت کیس کی سماعت کی ،سماعت کے دروان آئی جی پولیس نے 13پولیس افسران کے ساتھ غیر مشروط معافی توہین عدالت کیس سے متعلق جمع کرائی
عدالت نے آئی جی سندھ اور دوسرے پولیس افسران کو یکم جون تک 23مئی کے واقعہ کے ذمہ داروں کے خلاف کارروائی کرنے کی مہلت دیدی۔
عدالت نے ان کی درخواست اس صورت میں قبول کی جس میں آئی جی نے درخواست کی تھی کہ وہ وزیر اعلی سے فوری مل کر یکم جون تک مجرموں کے خلاف ایکشن لے لیں گے ۔