تقسیم کی بات کرنیوالے خود تقسیم ہو جائیں گے ، مراد سعید
اسلام آباد ( 92 نیوز ) وفاقی وزیر برائے مواصلات و ڈاک مراد سعید نے قومی اسمبلی میں خطاب کے دوران اپوزیشن کو شدید تنقید کا نشانہ بناتے ہوئے کہا کہ تقسیم کی بات کرنے والے خود تقسیم ہو جائیں گے ۔
مراد سعید کا کہنا تھا کہ ہمیں دھمکی دی جاتی ہے کہ وفاق نہیں بچے گا، بلاول نے بیان دیا کہ سندھو دیش بن سکتا ہے ، حالیہ بارشوں سے کراچی میں 43 افراد جاں بحق ہو ئے ، بلاول کہتے ہیں کہ بارش آتی ہے تو پانی آتا ہے ، زیادہ بارش آتی ہے تو زیادہ پانی آتا ہے ، کراچی کچرا کنڈی بن گیا جس کا ازالہ آپ نے کرنا ہے ۔
مراد سعید نے کہا کہ وزیر اعلیٰ سندھ کہتے ہیں کہ وفاق نہیں بچے گا ، وفاق تو بچ جائے گا لیکن آپ کی سیاست نہیں بچے گی ، سیہون میں دھماکہ ہوا تو آپ کے حلقے میں اسپتال تک نہ تھا ، نہ ہی لوگوں کو اٹھانے کیلئے سٹریچر تھے۔