تعلیمی ادارے بند رہیں گے یا کھلیں گے؟ این سی او سی اجلاس میں فیصلہ منگل کے روز ہو گا
اسلام آباد (92 نیوز) تعلیمی ادارے بند رہیں گے یا کھلیں گے؟ فیصلہ منگل کو ہو گا۔ وزیر تعلیم شفقت محمود نے کہا ہے کہ این سی او سی کا تعلیمی اداروں سے متعلق اہم اجلاس 6 اپریل کو ہوگا۔
منگل کو وفاقی و صوبائی وزرائے تعلیم وصحت کے اجلاس میں تعلیمی اداروں کو کھولنے یا بند رکھنے پر غور کیا جائے گا امتحانات کی صورتحال کا جائزہ بھی لیا جائے گا اس ضمن میں جو فیصلہ ہو گا وہ تعلیم وصحت کے حکام اور این سی او سی کا متفقہ فیصلہ ہوگا۔ وفاقی وزیر تعلیم@Shafqat_Mahmood
اپنے ٹویٹر پیغام میں وفاقی وزیر تعلیم شفقت محمود نے کہا کہ این سی او سی کے اجلاس میں تعلیمی اداروں کو کھولنے یا نہ کھولنے سے متعلق فیصلہ کیا جائے گا۔ این سی اوسی اجلاس میں امتحانات کی صورتحال کا بھی جائزہ لیا جائے گا۔
ان کا کہنا تھا کہ اجلاس میں تعلیم اور صحت سے متعلق ملک بھر کی صورتحال کا جائزہ لیکر فیصلہ کیا جائے گا۔