ترکی اور سعودی عرب کی مقبوضہ بیت المقدس میں اسرائیلی بربریت کی مذمت

انقرہ / ریاض (92 نیوز) ترکی اور سعودی عرب کی جانب سے مقبوضہ بیت المقدس میں اسرائیلی بربریت کی مذمت کی گئی۔

ترک صدر اردوان نے اسرائیل کو دہشت گرد ریاست قرار دے دیا، کہا کہ، اسرائیل مسلمانوں کو بے رحمانہ اور ناجائز تشدد کا نشانہ بنا رہا ہے، وحشیانہ حملے فوری روکے جائیں۔

سعودی عرب نے اسرائیل کے اقدامات کوخطے میں قیام امن کی کوششوں میں رکاوٹ قرار دے دیا، سعودی وزارت خارجہ کا کہنا ہے کہ، مسئلہ فلسطین کے جامع حل کی پیش رفت کا وقت آگیا ہے۔