ترک مسلح افواج کے ڈپٹی چیف آف جنرل سٹاف کی جنرل زبیر محمود حیات سے ملاقات

راولپنڈی (92 نیوز) ترک مسلح افواج کے ڈپٹی چیف آف جنرل سٹاف لیفٹیننٹ جنرل میتن گورک نے جوائنٹ سٹاف ہیڈکوارٹرز کا دورہ کیا اور چیئرمین جوائنٹ چیفس آف سٹاف کمیٹی جنرل زبیر محمود حیات سے ملاقات کی۔

آئی ایس پی آر کے مطابق لیفٹیننٹ جنرل میتن گورک نے چیئرمین جوائنٹ چیفس آف سٹاف کمیٹی جنرل زبیر محمود حیات سے ملاقات کی جس میں دوطرفہ سلامتی اور دفاعی تعاون سمیت باہمی پیشہ وارانہ امور پر تبادلہ خیال کیا گیا۔

لیفٹیننٹ جنرل میتن گورک نے پاکستان کی مسلح افواج کی پیشہ وارانہ صلاحیتوں کو سراہا۔ ان کا کہنا تھا پاکستان کی انسداد دہشتگردی کی جنگ میں قربانیاں قابل قدر ہیں۔