تربت:سکیورٹی فورسز پر دہشت گردوں کا حملہ، ایک اہلکار شہید

تربت(92نیوز)تربت کے علاقے دشت میں سکیورٹی فورسز پر دہشت گردوں کے حملہ میں  ایک سکیورٹی اہلکار شہید اور دوسرا زخمی ہو گیا ہے ۔ تفصیلات کےمطابق تربت کے علاقے دشت میں سکیورٹی فورسز کے اہلکار معمول کی گشت پر تھے کہ نامعلوم دہشتگردوں نے ان پر فائرنگ کر دی ۔ فائرنگ کے نتیجے میں ایک اہلکار شہید جبکہ دوسرا زخمی ہوگیا ہے زخمی اہلکار کو فوری طور پر قریبی ہسپتال منتقل کر دیا گیا ہے جہاں اس کا علاج جاری ہے ۔