تحریک لبیک کے کارکنوں کا نمائش چورنگی پر دھرنا آج پانچویں دن بھی جاری

کراچی (92 نیوز) کراچی میں تحریک لبیک یارسول اللہﷺ کے کارکنوں کا نمائش چورنگی پر دھرنا آج  پانچویں دن بھی جاری ہے۔
مظاہرین کا ایک ہی مطالبہ ہے کہ ختم نبوت کے حلف نامے میں تبدیلی کرنے والوں کو کیفر کردار تک پہنچایا جائے۔ انہوں نے کہا کہ جب تک ان کےمطالبات پورے نہیں ہونگے دھرنا ختم نہیں ہو گا۔
دھرنے کے شرکا آج نماز جمعہ بھی نمائش چورنگی پر ادا کریں گے۔