تحریک انصاف کا 23 واں یوم تاسیس ، کارکن آپس میں الجھ پڑے
کراچی ( 92 نیوز) تحریک انصاف کا جلسہ ہو یا یوم تاسیس، بدنظمی، لڑائی جھگڑا معمول بن گیا ۔ کراچی میں 23 ویں یوم تاسیس پر تحریک انصاف کے کھلاڑیوں کا پارہ ہائی ہو گیا ، کرسیوں کے ساتھ پتھروں کی برسات، ہوئی 5 کارکن زخمی ہوئے ۔
کراچی کے علاقے گلشن اقبال منگل بازار میں حلیم عادل شیخ کے اسٹیج پر آتے ہی کارکنان سراپا احتجاج ہو گئے ۔ جس کے ہاتھ جو آیا، ہتھیار بنالیا ۔ تصادم میں پانچ کارکن زخمی ہوئی ، رہنماؤں کی تلقین بھی کام نہ آئی۔
آتش بازی کے ساتھ تقریب قبل از وقت اختتام پذیر ہوگئی، کوئی بھی رہنما خطاب نہ کرسکا۔
چیف آرگنائزر تحریک انصاف سیف اللہ خان نیازی نے معاملے کا نوٹس لیتے ہوئے ذمہ داروں کے تعین کی ہدایت کردی۔