تحریک انصاف نے نواز شریف کے پاکستان مخالف بیان پر عدالت کا دروازہ کھٹکھٹا دیا

کراچی (92 نیوز) تحریک انصاف نے نااہل وزیراعظم نواز شریف کے پاکستان مخالف بیان پر عدالت کا دروازہ کھٹکھٹا دیا۔ نواز شریف کے خلاف آرٹیکل 6 کے تحت مقدمہ اور نام ای سی ایل میں ڈالنے کیلئے سندھ ہائیکورٹ میں درخواست دائر کر دی۔ درخواست میں موقف اپنایا کہ نواز شریف کا ممبئی حملوں سے متعلق بیان غداری ہے، ان کا نام ای سی ایل میں ڈال کر آرٹیکل سکس کے تحت مقدمہ درج کیا جائے، ان کی تقاریر پر پابندی اور فوری کارروائی کا حکم دیا جائے۔ پی ٹی آئی رہنما حلیم عادل شیخ نے میڈیا سے گفتگو میں کہا کہ نواز شریف مودی کے یار ہیں، غدار ہیں، دودھ کا دودھ پانی کا پانی ہونا چاہیے۔ انہوں نے کہا کہ نواز شریف پاکستان کو عالمی سطح پر تنہا کرنا چاہتے ہیں۔