تائیوان : موسیقی کی تقریب میں دھماکے سے 200افراد زخمی

تائے پی (ویب ڈیسک)تائیوان میں موسیقی کی تقریب میں دھماکے  سے دوسوسے زائدافرادزخمی ہوگئے  جن میں  تراسی کی  حالت   تشویشناک ہے۔ تفصیلات کے مطابق  تائے پی کے مشہورواٹرپارک میں موسیقی کی تقریب  جاری  تھی کہ اس  دوران  اچانک رنگین  پاؤڈر چھڑکنے سے دھماکاہوگیا،د ھماکے کے  فوری  بعد  آگ بھڑک اٹھی جس سے دوسوسے زائدافرادزخمی ہوگئے۔ واقعہ کی  اطلاع ملتے ہی ریسکیو ٹیمیں موقع پر پہنچ گئیں  جنہوں نے  زخمیوں کو اسپتال  منتقل کردیا،جہاں تراسی زخمیوں  کی حالت تشویشناک ہے۔ واضح رہے کہ تقریب میں ایک ہزارکے قریب افرادموجودتھے،واقعہ کے  بعد پولیس نے  پارک  بند کر دیا  اور  ابتدائی  شواہد اکٹھے کرنے کے  بعد  تفتیش شروع کردی۔