بیگم شمیم اختر کی نماز جنازہ 28 نومبر کو ادا کی جائے گی
ترجمان ن لیگ مریم اورنگزیب کا کہنا ہے شریف میڈیکل سٹی میں ظہر کی نماز کے بعد نماز جنازہ اور جاتی امراء میں تدفین ہو گی۔ اتوار 29 نومبر کو قل خوانی ہوگی جس میں صرف شریف خاندان کے افراد ہی شریک ہوں گے۔
مرحومہ بیگم شمیم اختر کے ایصال ثواب کے لیے رسم قل بروز اتوار مورخہ 29 نومبر کو ہوگی
— Marriyum Aurangzeb (@Marriyum_A) November 25, 2020
رسم قل میں صرف شریف خاندان کے افراد ہی شریک ہوں گے
لیگی رہنما عطاء تارڑ نے بتایا نواز شریف کی ہمشیرہ اور بہنوئی بیگم شمیم اختر کی میت کے ساتھ پاکستان آئیں گے۔
شہباز شریف اور حمزہ شہباز کو جمعہ کو پیرول پر رہائی ملنے کا امکان ہے۔ نون لیگ نے ماڈل ٹاؤن اور رائیونڈ کے بعد ایئر پورٹ جانے کی رسائی مانگ لی۔
ذرائع کے مطابق بیگم شمیم اختر کی میت ہفتہ کو 6 بج کر 55 منٹ پر لاہور پہنچے گی۔ ادھر نواز شریف کی والدہ کے انتقال پر جاتی عمرہ میں تعزیت کیلئے لوگوں کی آمد کا سلسلہ جاری ہے۔
