بی جے پی کے امیدواروں نے حالیہ الیکشن میں مسلمانوں کو غیر ضروری قرار دے دیا
نیو دہلی (92 نیوز) بھارتی انتہا پسندوں کا مسلمانوں سے متعصبانہ رویہ ایک بار پھر کھل کر سامنے آگیا۔ بی جے پی کے امیدواروں نے حالیہ الیکشن میں مسلمانوں کو غیر ضروری قرار دے دیا۔
ریاست اترپردیش کے شہر سلطان پور میں مسلم مجمع سے خطاب میں مانیکا گاندھی نے دبے الفاظ میں مسلمانوں کو دھمکی دے ڈالی اور کہا کہ اگر مسلمان انہیں ووٹ نہیں دیں گے تو اُن سے کسی کام کی امید بھی نہ رکھیں ۔ ہم مہاتما گاندھی کی چھٹی اولاد نہیں کہ ووٹ نہ دینے والوں کی بھی مدد کریں۔
مانیکا گاندھی کے اس مضحکہ خیز بیان پر وزیر اطلاعات فواد چودھری نے سخت تنقید کی ہے ۔ ٹوئٹر پیغام میں انہوں نے کہا کہ اگر یہ بیان کسی پاکستانی سیاست دان نے دیا ہوتا تو اُسے کبھی معاف نہیں کیا جاتا ۔ یہ بیان کسی بھی سیاست دان کا کیرئر ختم کرنے کیلئے کافی ہوتا ۔ افسوس کے گاندھی اور نہرو کے ملک میں ایسا ہورہا ہے ۔