بی بی کو شہید کرنیوالےسب ختم ہوگئے: آصف زرداری

نوڈیرو(92نیوز)پیپلز پارٹی کے شریک چیئرمین  آصف علی زرداری  کا کہنا ہے کہ   بے  نظیر  بھٹو کے  قتل  کی  ایف  آئی  آر کوئی واپس نہیں لے سکتا،بی بی کو شہید  کرنے والے  سب   ختم ہو  گئے۔ نوڈیرو  ہاوس میں   تقریب  سے خطاب کرتے  ہوئے  آصف علی زرداری نے کہا کہ کسی کو پریشان ہونے کی ضرورت  نہیں    بی بی  شہید کے بچے اورعوام  ان کے ساتھ کھڑے ہیں۔ سابق صدر نے کہا  کہ   بے نظیر  بھٹو کے قتل کیس کی ایف آئی آر کوئی واپس نہیں لے سکتا اس سلسلے میں کوئی  کتنا  بھی زور لگائے  ہم کیس  واپس  نہیں  لیں   گے۔ انہوں نے واضح  کیا  کہ بی بی  شہید  نے پہلے  ہی بتا دیا تھا کہ انہیں کچھ ہوا تو ذمہ دار پرویز مشرف ہوگا۔ اس موقع پر  بے  نظیر  بھٹو کی  باسٹھویں  سالگرہ کا کیک  بھی کاٹا گیا۔