بی آر ٹی سروس طویل مدت کیلئے بند ہونے کا خدشہ

 پشاور (92 نیوز) بی آر ٹی سروس طویل مدت کیلئے بند ہونے کا خدشہ پیدا ہو گیا۔ ذرائع بی آر ٹی کے مطابق روزانہ ماہرین صرف ایک بس کو چیک کرکے کلیئرکرا رہے ہیں۔ کل 20 ماہرین بسوں کو چیک کر رہے ہیں، 8 چینی  باشندے بھی شامل ہیں۔ ذرائع کے مطابق ابتدائی طور پر بیٹری فالٹ، سپارکنگ اور ائر کنڈیشنز کے تھرموسٹیٹ کا معائنہ کیا جارہا ہے۔ بسیں جدید ہونے کے باعث مقامی ماہرین اسے سمجھ نہیں پا رہے ہیں۔ تاحال آتشزدگی کی وجہ معلوم ہو سکی اور نہ ہی کسی کو ذمہ دار ٹھہرایا جا سکا۔