بھٹ شاہ میں رشتے کے تنازع پر تین خواتین سمیت 7افراد جاں بحق
بھٹ شاہ ( 92 نیوز) بھٹ شاہ میں رشتے کے تنازع پر دو گروپوں میں تصادم ، تین خواتین سمیت سات افراد جاں بحق جبکہ 2 زخمی ہو گئے ۔
سالارو تھانے کی حدود میں رشتے کا تنازع خونریزی کا باعث بن گیا ، بروہی برادری کے مسلح افراد نے مخالفین کے گھروں پر حملہ کرکے اندھا دھند فائرنگ کردی جس کے نتیجے میں 3 بھائیوں اور 3 خواتین سمیت 7 افراد جاں بحق ہوگئے ۔
واقعے کے بعد پولیس کی بھاری نفری موقع پر پہنچ گئی ، ریسکیو اہلکاروں نے زخمیوں کو اسپتال منتقل کردیا ، جاں بحق افاد کے ورثا نے لاشیں نیشنل ہائی وے پر رکھ کر احتجاج کیا جس کے باعث سڑک ٹریفک کیلئے بند رہی ۔
نیشنل ہائی وے بند ہونے کی وجہ سے گاڑیوں اور ٹرکوں کی طویل لائنیں لگ گئیں اور مسافروں کو شدید پریشانی کا سامنا کرنا پڑا۔