بھارتی کمپنی آئی ایم جی نے پی ایس ایل فور کی براڈ کاسٹنگ روک دی

لاہور (92 نیوز) پلوامہ واقعے پر بھارتی انتہا پسندی عروج پر پہنچ گئی ، بھارت کا مکروہ چہرہ  کھیل میں بھی سیاست کو گھسیٹ لایا ،  بھارتی کمپنی آئی ایم جی نے پی ایس ایل فور کی براڈ کاسٹنگ روک دی ۔ پی سی بی نے بھارتی پروڈکشن کمپنی کے سپرلیگ چھوڑنے کی تصدیق کرتے ہوئے براڈ کاسٹنگ کے لیے متبادل کمپنی کا انتظام کرنے کی تیاریاں شروع کردی ہیں۔ پی سی بی نے بھارتی کمپنی کے خلاف قانونی چارہ جوئی کا بھی فیصلہ کیا ہے۔ اس کے علاوہ  بھارتی لابی کے دباؤ کی وجہ سے سے میتھیو ہیڈن اور گرینڈ ایلیٹ نے پاکستان جا کرپی ایس ایل فور کی کمنٹری کرنے سے انکار کر دیا ہے۔ پی سی بی کے ایم ڈ ی وسیم خان کا کہنا ہے کہ  بھارت کا کرکٹ میں سیاست لیکر آنا افسوسناک ہے ،  آج نئی پروڈکشن کمپنی کے ساتھ معاہدے کا اعلان کریں گے۔