بھارتی پولیس نےبنگلہ دیشی سرحد سے 31روہنگیا مسلمانوں کر حراست میں لے لیا

نئی دہلی ( 92 نیوز)بھارتی پولیس نے بنگلہ دیشی سرحد پر پھنسے31 روہنگیا مسلمانوں کو حراست میں لے لیا ۔ خبرایجنسی کے مطابق گرفتار ہونے والے روہنگیا مسلمانوں  میں 16 بچے اور 6 خواتین شامل ہیں۔ یہ گرفتاری بھارتی ریاست تری پورہ میں کی گئی ہے۔ روہنگیا مسلمانوں کو بنگلہ دیش جانے سے انکار پر حراست میں لیا گیا ،  بھارت میں روہنگیا مسلمانوں کو حقارت کی نگاہ سے دیکھا جاتا ہے۔ بھارتی حکام ان افراد کو ان کی مرضی کے خلاف میانمار کے حوالےکرنا چاہتے ہیں۔