بھارتی میڈیا نے محرم الحرام کی سکیورٹی ڈیوٹی پر جانے والوں کو جہادی قرار دیدیا

اسلام آباد ( 92 نیوز) بھارتی میڈیا  بوکھلاہٹ کا شکار ہو گیا ، پاکستان دشمنی میں  محرم الحرام کی سکیورٹی ڈیوٹی پرجانے والوں کو جہادی قرار دے دیا ۔ پولیس اہلکاروں کی محرم الحرام کی ڈیوٹی پر روانہ ہونے کی ویڈیو پر بھارتی میڈیا نے واویلا مچا دیا ،  بھارتی چینل  پاکستانی نوجوانوں کے ایل او سی پر پہنچنے کا پراپیگنڈا کرتا رہا ۔ جو بھارتی میڈیا بتا رہا ہے،حقیقت بالکل اس کے برعکس ہے  ، اصل میں اس فوٹیج میں نظر آنے والے یہ جوان پولیس ٹریننگ ہنگو میں زیر تربیت اہلکار ہیں  جو محرم الحرام کی سکیورٹی کے دوران ڈیوٹی کیلئے روانہ ہو رہے  ہیں۔ سادہ کپڑوں میں ملبوس ان اہلکاروں  کی یہ فوٹیج پولیس ٹریننگ کالج کے ایک ٹرینی نے سوشل میڈیا پر ڈال دی ، بھارتی میڈیا نے یہ فوٹیج سوشل میڈیا سے اٹھا کر واویلا شروع کردیا۔