بھارتی فورسز کی لائن آف کنٹرول کے سبزکوٹ سیکٹر میں فائرنگ، 70 سالہ بزرگ خاتون شدید زخمی
راولپنڈی (92 نیوز) بھارتی فورسز کی لائن آف کنٹرول پر اشتعال انگیزیاں جاری ہیں۔ بھارتی فورسز نے لائن آف کنٹرول کے سبزکوٹ سیکٹر میں بلااشتعال فائرنگ کی۔
آئی ایس پی آر کے مطابق بھارتی فورسز کی فائرنگ سے خوئی گاؤں کی 70 سالہ بزرگ خاتون شدید زخمی ہو گئی۔ پاک فوج نے بھارتی فائرنگ پر بھرپور جوابی کارروائی کی۔
