بھارتی فوج کی پھر ایل او سی پر اشتعال انگیزی ، خاتون سمیت تین افراد زخمی
راولپنڈی ( 92 نیوز) بھارتی فوج نے ایک بار پھر لائن آف کنٹرول کی خلاف ورزی کرتےہوئے بگسر سیکٹر میں شہری آبادی کو نشانہ بنایا ، جس کے نتیجے میں ایک خاتون سمیت تین افراد زخمی ہو گئے ۔
مودی سرکار کا جنگی جنون تھمنے کا نام ہی نہیں لے رہا، بھارتی فوج پھر امن کی راہ میں رکاوٹ بننے لگی ، پاک فوج کے ترجمان ادارے آئی ایس پی آر کے مطابق بھارتی فوج نے لائن آف کنٹرول پر سیز فائر معاہدے کی خلاف ورزی کی ، اور بگسر سیکٹر میں شہری آبادی پر بلا اشتعال فائرنگ و گولہ باری کی ۔
آئی ایس پی آر کے مطابق فائرنگ و گولہ باری کے نتیجے میں ایک خاتون سمیت تین افراد زخمی ہو گئے ، زخمی ہونے والے افراد کا تعلق ضلع بھمبر کے گاؤں مینڈیکا سے ہے ۔
آئی ایس پی آر کے مطابق پاک فوج کی جانب سے بھی بھرپور جوابی کارروائی کی گئی ۔