بھارتی فوج کی لائن آف کنٹرول پر بلااشتعال فائرنگ ،ایک شہری شہید
![بھارتی فوج کی لائن آف کنٹرول پر بلااشتعال فائرنگ ،ایک شہری شہید](https://urdu.92newshd.tv/wp-content/uploads/2015/08/loc.jpg)
راولپنڈی(92نیوز) بھارتی فوج نے لائن آف کنٹرول پر ایک بار پھر بلا اشتعال فائرنگ کر دی جس سے ایک پاکستانی شہری شہید ہو گیا۔
تفصیلات کےمطابق بھارت نے جنگ بندی معاہدے کی پھر خلاف ورزی کرتے ہوئے بٹل سیکٹر میں بلا اشتعال فائرنگ کی جس سے ڈھیر بازاری گاؤں کا رہائشی تیس سالہ محمد ا ختر شہید ہو گیا ۔
آئی ایس پی آر کے مطابق بھارتی فوج نے پاکستانی شہری کو اس وقت نشانہ بنایا جب وہ دریائے پونچھ کے کنارے سے ریت اکٹھی کرنے جا رہا تھا ۔
فائرنگ سے مکانوں کو بھی نقصان پہنچا ، بھارتی جارحیت پر پاک فوج نے جوابی کارروائی کی جس پر بزدل دشمن کے کیمپوں میں خاموشی چھا گئی ۔