بھارتی سیاست دان کی پلوامہ میں مرنے والے فوجی کے رشتہ دار سے بدتمیزی
نیو دہلی (92 نیوز) بھارتی ریاست اڑیسہ کے بی جے ڈی پارٹی کے ایم ایل اے ڈیباشس سمنتری کی پلوامہ میں مارے جانے والے فوجی کے رشتہ دار سے بدتمیزی کی ویڈیو سوشل میڈیا پر وائرل ہو گئی۔
پلوامہ واقعے پر مگر مچھ کے آنسو بہانے والے بھارتی سیاست دان اپنے فوجیوں کی تضحیک کرنے لگے۔
موصوف بھارتی ریاست اڑیسہ کی بڑی پارٹی بی جے ڈی کے ایم ایل اے ہیں اور جس معمر شخص کو وہ کیڑا مکوڑا سمجھ کر گھسیٹ رہے ہیں وہ اس فوجی کا رشتہ دار ہے جو گزشتہ دنوں پلوامہ واقعے میں ہلاک ہوا۔
سوشل میڈیا پر جب ویڈیو وائرل ہوئی تو سیاست دان کو بھی ہوش آگیا اور وضاحتیں دینے لگا ۔