بھارتی آبی جارحیت کے باعث دریائے جہلم تاریخ میں پہلی مرتبہ خشک ہو گیا

اسلام آباد (92 نیوز) دریائے چناب کے بعد دریائے جہلم نشانے پر آ گیا ۔ امن کا دشمن بھارت ایک بار پھر آبی جارحیت پر تل گیا ۔ مودی سرکار نے سندھ طاس معاہدے کی دھجیاں اڑاتے ہوئے پاکستان کو آنیوالے دریائے جہلم کے پانی کا رخ متنازعہ کشن گنگا ڈیم کی طرف موڑ دیا ۔
ارسا کے مطابق منگلا کے مقام پر دریائے جہلم میں پانی کا بہاﺅ صرف 1900 کیوسک رہ گیا ۔ ایسی صورتحال میںانڈس واٹر کمیشن خاموش تماشائی کا کردار ادا کر رہا ہے ۔
دوسری جانب تربیلا اور منگلا ڈیم میں بھی پانی کا ذخیرہ صرف 10 دن کا رہ گیا ۔ دونوں بڑے ڈیم مارچ کے پہلے ہفتے میں خالی ہونے کا خدشہ بڑھنے لگا ۔ منگلا ڈیم میں پانی کا ذخیرہ صرف 3 لاکھ ایکڑجبکہ تربیلا ڈیم میں پانی کا ذخیرہ 5 لاکھ ایکڑ فٹ ہے ۔