بھارت ہمارے ملک میں مداخلت سے باز آ جائے: نیپالی وزیراعظم
کٹھمنڈو (ویب ڈیسک) نیپالی وزیراعظم نے بھارت کوخبردارکیاہے کہ وہ ہمسایہ ملک کے اندرونی معاملات میں مداخلت نہ کرے۔ تفصیلات کے مطابق نیپال میں کسٹمز چوکیوں پر ناکہ بندی کے حوالے سے نیپالی وزیراعظم کے پی شرما نے کہاکہ بھارت اہم کسٹمز چوکیوں پرناکہ بندی کیلئے سیاسی جماعتوں کو اکسا رہا ہے۔
انہوں نے کہا کہ ناکہ بندیوں پر احتجاج کرنے والوں کی شکایات دور کرنا نیپالی حکومت کی ذمہ داری ہے بھارت کی نہیں۔ کے پی شرمانے سوال اٹھایا کہ بھارت نیپال میں احتجاج کرنیوالوں کی پشت پناہی کیوں کر رہا ہے۔