بھارت کیخلاف اچھی ٹیم میدان میں اتاریں گے ، سرفراز احمد
دبئی ( 92 نیوز) پاکستان کرکٹ ٹیم کے کپتان سرفرازاحمد نے کہا ہے کہ بھارت کے خلاف اچھی ٹیم میدان میں اتاریں گے ۔
میڈیا سے گفتگو کرتے ہوئے سرفرازاحمد کا کہنا تھاکہ ماضی گزر گیا اب تمام تر توجہ اگلے میچ میں ہے ، کوشش کریں گے اچھی کارکردگی کا مظاہرہ کریں۔
کپتان سرفراز احمد نے کہا کہ بھارت کے پاس اچھے کھلاڑی موجود ہیں ، ویرات کوہلی کی غیر موجودگی سے زیادہ فرق نہیں پڑے گا۔ پاک بھارت میچ کا ہمیشہ پریشر ہوتا ہے ، کوشش کریں گے کہ دباؤ نہ لیں اور اچھا کھیل پیش کریں ۔
سرفراز احمد کا کہنا تھا کہ دبئی کی کنڈیشن ہوم گراؤنڈ جیسے ہی ہے ، ایشیا کپ کا شیڈول ہمارا نہیں ، اے سی سی کا معاملہ ہے ۔امید ہے شائقین کرکٹ کو بھارت کیخلاف اچھا میچ دیکھنے کو ملے گا،قوم کامیابی کیلئے دعا کرے ۔
پاکستانی کرکٹ ٹیم کے کپتان نے سابق کپتان اور وزیراعظم پاکستان سے متعلق کہا کہ اگر عمران خان میچ دیکھنے کیلئے آتے ہیں تو کھلاڑیوں کا حوصلہ بڑھے گا۔