بھارت کی نسبت پاکستان پر زیادہ یقین کی وجہ ثبوت ہیں ، بھارتی پروفیسر اشوک ‏سوائن

ممبئی ( 92 نیوز) بھارت کے پروفیسر اشوک سوائن نے  ایک بار پھر مودی سرکار پر تنقید کر دی ۔

پروفیسر اشوک سوائن نے کہا کہ  لوگ مجھ سے پوچھتے ہیں بھارت کی نسبت پاکستان پر زیادہ یقین کیوں کرتا ہوں؟، بغیر ثبوت کے کسی پر بھی یقین نہیں کرنا چاہیے۔

پروفیسر اشوک کا کہنا تھا کہ  پاکستان نے 7لاشوں کے ثبوت فراہم کئے ، مودی نے اپنی شادی اور ڈگریوں کے حوالے سے بھی جھوٹ بول رکھا ہے، بھارتی میڈیا جشن منا رہا تھا مگ21 نے ایف16 طیارہ گرایا، امریکا نے اس کی تصدیق نہیں کی۔

پروفیسر اشوک سوائن نے کہا کہ بھارتی میڈیا اب کہہ رہا ہے امریکا نے پاکستانی طیاروں کی گنتی نہیں کی ، کیا یہ بھارتی میڈیا کی یادداشت کا مسئلہ ہے یا سیدھی سیدھی ہٹ دھرمی؟۔