بھارت کو انتہاپسند کہنے والے آج درآمدات شروع کر رہے ہیں، احسن اقبال

اسلام آباد (92 نیوز) لیگی رہنما احسن اقبال کا کہنا ہے بھارت کو انتہاپسند کہنے والے آج درآمدات شروع کر رہے ہیں۔ ایسی کیا ہوا چل پڑی؟

احسن اقبال نے کہا حکومت نے کشمیر کو پس پشت ڈال دیا۔ پاکستان میں سی پیک دشمن حکومت لائی گئی۔ نااہل حکومت قومی مفادات برائے فروخت لگا چکی۔ سات سو ارب کے ٹیکس لگا کر آئین کی دھجیاں بکھیری گئیں۔ پچاس کروڑ ڈالر کیلئے اسٹیٹ بینک کو آئی ایم ایف کے پاس گروی رکھ دیا۔

احسن اقبال بولے آپ اوپن اینڈڈ منصوبے شروع کرتے ہیں تو انکا حشر نیلم جہلم جیسا ہوتا ہے۔ آئندہ جو حکومت الیکشن جیتے گی تو وہ اپوزیشن میں بیٹھنے کو ترجیح دے گی۔ ایسی معیشت کیساتھ کوئی بھی حکومت نہیں چل سکے گی۔