بھارت کاسندھ طاس کمیشن کے پاکستانی وفد کو آبی منصوبوں کا دورہ کرانے سے انکار
اسلام آباد ( 92 نیوز) بھارت کی روایتی ہٹ دھرمی برقرار ہے ،بھارت نے سندھ طاس کمیشن کےپاکستانی وفد کو آبی منصوبوں کا دورہ کرانے سے انکار کر دیا۔
سندھ طاس کمیشن کے بھارتی وفد نے دو ماہ قبل پاکستان کا دورہ کیا اور متنازع آبی منصوبوں پرمذاکرات بھی کئے ، اس پرہی بس نہیں سندھ طاس کمیشن کے پاکستانی وفد کو اکتوبرمیں پکل دل اور کلنائی سمیت متنازعہ منصوبوں کے دورے کی دعوت بھی دی گئی۔
روایتی مکاری سے کام لیتے ہوئے بھارت نے اکتوبرسے پہلے ہی آبی منصوبوں کامعائنہ کرانے سےانکارکردیا ، پاکستانی وفد کے متنازعہ آبی منصوبوں کے معائنے کا شیڈول بھی منسوخ کر دیا گیاہے ۔
بھارت نے پچھلے چار سال سے پاکستانی وفد کو متنازعہ آبی منصوبوں کا معائنہ نہیں کرایا۔