بھارت کا بلائنڈ کرکٹ ٹیم پاکستان بھیجنے سے انکار
لاہور ( 92 نیوز ) امن کا دشمن بھارت کرکٹ دشمنی پر بھی اتر آیا ۔ بھارت نے پاکستان کے ساتھ سیریز سے انکار کے بعد بلائنڈ ٹیم پاکستان بھیجنے سے بھی انکار کردیا ۔
بھارت کا ایک بار پھر کھیل سے کھلواڑ کردیا اور بلائنڈ کرکٹ ورلڈ کپ کیلئے ٹیم کو این او سی دینے سے انکار کردیا ۔
بھارتی حکومت نے اپنی ٹیم پاکستان نہ بھیجنے کی مہر لگائی تو بلائنڈ کرکٹ ورلڈ کپ کا شیڈیول میں تبدیلی کرنا پڑی ۔
ایونٹ کا افتتاحی میچ پاکستان اور بھارت کے بجائے 8 جنوری کو پاکستان اور بنگلہ دیش کے درمیان قدافی اسٹیڈیم لاہور میں کھیلا جائےگا ۔
پاکستان اپنے دوسرے میچ میں نیپال سے گوجرانوالہ میں مقابلہ کرے گا ۔ایونٹ کے نئے شیڈول کے مطابق دفائی چیمپئن بھارت اپنے تمام میچز یو اے ای میں کھیلے گا ۔
بھارت کا پہلا میچ 8 کو آسٹریلیا سے جبکہ پاک بھارت ٹاکرا 12 جنوری کو اجمان میں ہوگا ۔
پاکستان14 اور 15 جنوری آسٹریلیا اور سری لنکا سےاپنے گروپ میچز اجمان میں کھیلے گا ۔
ٹورنامنٹ کے سیمی فائنل اجمان جبکہ فائنل لاہور میں کھیلا جائے گا۔