بھارت میں کورونا سے تباہی ، پاکستان نے مدد کی پیش کش کر دی

اسلام آباد (92 نیوز) بھارت میں کورونا سے تباہی پر پاکستان نے مدد کی پیش کش کر دی۔

وزیرخارجہ شاہ محمود قریشی کا کہنا ہے بھارت اس وقت مشکل صورتحال سے دوچار ہے۔ مثبت جواب آیا تو مدد کریں گے۔

ترجمان دفتر خارجہ کے مطابق اقدام حالیہ وبائی صورتحال میں بھارتی عوام کیساتھ بطور اظہار یکجہتی ہے۔ پاکستان بھارت کو وینٹی لیٹرز اور دیگر سامان فراہم کرنے کو تیار ہے۔ پاکستان، بھارت حکام امداد کی جلد فراہمی کیلئے امور طے کر سکتے ہیں۔ وباء سے درپیش چیلنجز سے نمٹنے کیلئے مزید تعاون کے طریقہ کار کا بھی جائزہ لیں گے۔