بھارت میں جیپ گہری کھائی میں جا گری،8افرادہلاک

اتراکھنڈ(ویب ڈیسک)بھارت میں ایک جیپ گہری کھائی میں جا گری جس کے نتیجے میں آٹھ افراد ہلاک  اور پانچ زخمی ہو گئے ہیں۔ تفصیلات کے مطابق بھارتی ریاست اتراکھنڈ  کے شمالی علاقے میں ایک مسافر جیپ جس میں تیرہ افراد سوار تھے ایک سو پچاس میٹر گہری گھاٹی میں جا گری جس کے نتیجے میں آٹھ افراد موقع پر ہی ہلاک ہو گئے جبکہ حادثے میں پانچ افراد زخمی بھی ہوئے جن میں سے تین کی حالت تشویشناک ہے۔ زخمی افراد کو فوری طور پر قریبی اسپتال منتقل کردیا گیا دنیا میں سب سے زیادہ ٹریفک حادثات بھارت میں ہوتے ہیں جن کی وجہ سڑکوں کی نا مناسب منصوبہ بندی اور غیرتربیت یافتہ ڈرائیورز ہیں۔